चार थेंब पावसाचे...

 चार थेंब पावसाचे....

चार थेंब पावसाचे 

मातीवर कोसळले,

तापलेले गात्र तिचे

गारव्याने शहारले.....

चार थेंब पावसाचे 

रानी वनी बरसले,

मुक्या वेड्या पाडसांना

जणू त्यांनी गोंजारले....

चार थेंब पावसाचे

तरु वेलींना बिलगले,

कारंजे मग हर्षाचे

पानोपानी अवतरले.....

चार थेंब पावसाचे

अंगणी माझ्या पडले,

मोत्याचे दालन जणू

माझ्यासाठी उघडले.....

थेंबांनी या पावसाच्या

कणाकणाला व्यापिले,

सृष्टीच्या गोड रुपाला

साजिरे तीट लाविले......

                          श्वेता